Aretxabaletan San Migelak ate joka daude eta jaietarako prestatu duten egitasmoan kantu afaria ere izango da. Bertan parte hartu nahi duen orok tiketak izango ditu eskuragai Arkupen ostiraletik aurrera –irailak 16–. Kuadrillaka apuntatuko da eta pertsonako euro bat ordaindu beharko da –abesteko liburua barne dago–.
Kantu afaria herriko plazan izango da, 21:00etan, eta euria bada, berriz, pilotalekuan. 500 tiket jarriko dira salgai eta beste ehun salduko dira egunean bertan, eguraldi ona egiten badu. Musika animazioa Sei Pistols & Trabuko Bat taldeak jarriko du.