Uste baino beranduago baina hasi dituzte Ibarra futbol zelaiko belarra aldatzeko lanak. Egubakoitzean iritsi ziren makinak, eta atzo, astelehena, aurretik zegoena erretiratzen jardun zuten Mondo Iberica enpresako langileek.
Orain arte egon den belarrak hamar urteko bizitza erabilgarria gaindituta zuen eta "segurtasuna bermatzeko" aldatu beharra zeukan. Lau aste eta erdian lanok bukatzea aurreikusita du Udalak, denboraldi berrirako gertu izan dezaten UDAko futbol taldeek.
Aurretik, kirol instalazioaren ureztatze sistema ordezkatu dute; jokaleku osora iritsiko diren irismen luzeko sei kanoi berri jarri dituzte Riesgo del Norte enpresako langileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
