Gaur egungo ezaugarriei eutsita, berdegunearen zoladura 6.400 metro koadrotan aldatuko dute. Orain dagoen belarrak hamar urteko bizitza erabilgarria gainditu du eta segurtasuna bermatzeko aldatu beharra dagoela dio Koldo Zubillaga, Kirol zinegotziak: "Ibarrako zelaia oso instalazio erabilia da eta egoera onean mantendu behar da, batez ere erabiltzen duten jokalari guztien segurtasunerako".
Lau aste eta erdian lanok bukatzea aurreikusi dute eta denboraldi berrirako gertu izatea futbol zelaia. "UDAren eta ekipamendu horretan entrenatzen eta jokatzen duten taldeen errutinetan ahalik eta eragin txikiena izateko", adierazi du Zubillagak.
Ureztatze sistema ordezkatu
Aurretik, ekainaren 23tik 30era bitartean, kirol instalazioaren ureztatze sistema ordezkatuko dute; jokaleku osora iritsiko diren irismen luzeko sei kanoi berri jarriko dituzte. Riesgo del Norte enpresari esleitu dizkio lanak Udalak, 18.700 eurotan.