Euskelec lehiaketan hartuko du parte ALEko ibilgailuak

Mirari Altube Arrese 2022ko mai. 26a, 18:27
Hainbat ikasle ibilgailuarekin. (Argazkia: ALE)

Ibilgailu elektrikoen bosgarren Euskelec lehiaketan hartuko du parte Aretxabaleta Lanbide Eskolak. Domekan jokatuko da, Donostian, eta EAEko zein kanpoko 30 eskola baino gehiagorekin nor baino nor gehiago lehiatuko da Aretxabaletan sortutakoa. Elektromekanikako hamabost ikasle joango dira, bi irakaslek lagun eginda.

Lehiaketak bi fase izango ditu; batetik, fase tekniko eta sortzailea, eta horren baitan daude diseinuaren, berrikuntzaren eta
komunikazioaren arloetako erronkak; eta bestetik, fase dinamikoa. Bigarren fase horretan, ibilgailuen prestazioak, ezaugarriak eta diseinua ebaluatuko dizkiete, slalom, azelerazio, gehieneko balaztatze eta erresistentziarako proben bidez.

Ikasle askoren lana

Txapelketa horretarako ALEk ikasturtean zehar ibilgailu elektriko bat diseinatu eta eraiki dutela eta aipatutako frogetan parte hartu jakinarazi dute ikastetxetik: "Lanbide eskolako mintegi ezberdinek jardun dute autoaren eraikitzeko prozesuan: mekanizatukoek pieza ezberdinak diseinatu eta mekanizatu dituzte; galdaragintzakoek, ibilgailuaren txasisa egin dute; eta elektromekanikako ikasleek, autoa osatu dute". Hain zuzen ere, azken horiek joango dira domekan, Donostiara; hamabost ikasle izango dira Boulevarrean jokatuko den txapelketan, bi irakaslek lagun eginda.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak