Otala Zelain hiru aretxa berri landatu dituzte, galdutakoak kenduta, eta Aretxabaletan, berriz, Ibarra inguruan landatu dituzte beste hamabi zuhaitz landare. Oinez egin dute Otala Zelaiko buelta, UDAren gonbidapena onartuta.
Udalak urtero egin ohi izan duen zuhaitz landaketara batu da UDA aurten eta 75. urteurrenaren barruan. Palak eta aitzurrak hartuta, umeekin batera landatu dituzte zuhaitzak. "Eta sarreran jarri dugu aretxa, esanahi berezia duena", adierazi dute UDAko Iñaki Ibarrondok.
"Herriko gune ezberdinetan landatu izan ditugu urtero, azken bietan izan ezik, eta aurten UDArekin batera, futbol zelai inguruan. Baina zuhaitz txikiak jarri beharrean, handi xamarrak landatu ditugu, indartuta daudenak", gehitu du alkateak, Unai Elkorok.