Lehen fasean udalerriaren egungo egoeraren diagnostikoa egingo da, eta Udal ordezkariekin batera, eragileek eta herritarrek parte har dezaten gura dute. Bederatzi arlotan banatuta hainbat gai landuko dituzte; hona hemen: ingurumena, mugikortasuna, espazio publikoa, etxebizitza, jarduera ekonomikoa, ekipamenduak; eta zeharka: ondarea, jasangarritasuna eta klima aldaketa, inklusibotasuna eta osasuna.
Prozesuaren nondik norakoen berri emango dute hitzaldi-informatiboan. Lanari, ostera, hurrengo eguaztenean ekingo diote partaidetza saioarekin.
Galdetegia webgunean
Udalak HAPOren gaineko informazio guztia jasotzeko webgune bat jarri du abian: www.hapo-aretxabaleta.eus/eu. Bertan galdetegi bat zintzilikatu dute herritarrek bete dezaten; abenduaren 3a izango da azken eguna.
