Arrasaten ez ezik, atzo, eguena, Aretxabaletako ibaian ere agertu ziren arrainak hilik; Txakoli taberna paretik, Udalera bitarte. Bertatik behera ez da arrainik hilik agertu, bai baina, Arrasateko San Andres auzotik aurrera. Aretxabaletako Udalaren arabera, azterketa lanetan ari dira momentuan eta Gipuzkoako Ur-Kontsortzioari eman diote abisua, dagoeneko.
Koldo Zubillaga zinegotziak azaldu duenez, "industrialdearen ondorioz" gerta izanaren susmoa dute, oraindik arrainak hil izanaren arrazoiak argitu ez badira ere. Udala ere Ertzaintzarekin jarria da kontaktuan, salaketa egiteko, eta beraien esku utzi dute ikerketa.
"Aurreko batean erreka kolore zuriz agertu zen, baina arrainik ez zen hilik agertu. Oraingoan berriz, erreka garbi agertu da, baina arrainak hilik. Ez dugu ezer ulertzen", adierazi du Aretxabaletako zinegotziak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.