Lanak otsailean esleitu zituen Udalak, aurrekontua 56.900 eurokoa izanik –BEZa kontuan hartu gabe–; hori 2020ko aurrekontuen kontura ordainduko du Udalak. Inbertsio honi laguntzeko, Energiaren Euskal Erakundearen diru-laguntza programara aurkeztuko da.
Futbol zelaiaren egungo argiteria 19 metroko lau dorrez osatuta dago, eta bakoitzak sei proiektore ditu. Ekipamendu horren ordez, 16 led proiektore jarriko dira, dorre bakoitzean lau. Guztira, 24 kilobatioko gastua ekarriko dute, energiaren kontsumoa ia %57an jaistea lortuz. Eta mantentze lanetan ere aurreztuko dutela uste dute udal ordezkariek.