Positiboen gorakada atzeman da azken egunetan Aretxabaletan, Pazko Astean, bereziki; apirilaren 5etik 11ra bitartean 55 kasu baieztatu zituzten. 16 eta 18 urte arteko hainbat gaztetxo daude horien artean, eta Osasun Sailak erabaki du Arizmendi ikastolako Almen guneko batxilergoko ikasleen artean baheketa egitea. Gainera, goizean zehar erabaki du Osakidetzak, batxilergoko ikasle guztiak etxera bidaltzea.
Hamabost egunetako opor egunak izan badituzte ere gazteek, positiboen jatorria zein izan den jakiterik ez dago, eta birusa gehiago zabal ez dadin bi geletako ikasleei probak egingo dizkietela gaur, astelehena, jakinarazi die Osasun Sailak.
Antigeno zein PCR probak egitera herritar asko deitu dituzte gaur, astelehena, eta horrek ilara luzea sortu du une batzuetan Basotxo inguruan, probak egiten dituzten lekuan hain zuzen ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
