Erakusleihoetan denda horretan salgai dauden ohiko artikuluak agertu beharko dira eta 21:00ak arte argiztatuta egotea gomendatu dute epaimahaiaren lana errazteko.
Erakusleiho onena aukeratzeko orduan honako ezaugarri hauek hartuko ditu kontuan epaimahaiak: kalitatea, publizitate mezuaren imajinazioa, originaltasuna, eraginkortasuna eta argien erabilera, besteak beste. Irabazlea hautatuko du horrek, baina bigarren sari bat ere banatuko da, herritarren boto bidez aukeratua; abenduaren 16tik 23ra bitartean botoa uzteko aukera izango dute Arkupen jarrita dagoen kaxa batean. Botoa ematen duten guztien artean 50 euroko bonu bat zozketatuko dute Aretxarteko dendatan gastatzeko.
Sari banaketa abenduaren 28an
Irabazlearentzat Aretxarteko dendatan gastatzeko 300 euroko balioa duen bonua izango da saria. Horrez gain, irabazleak plaka bat jasoko du iazko irabazlearen eskutik. Plaka urtero lekuko gisa, irabazletik irabazlera, pasatzen da eta dendako erakusleihoan ikusgai egoten da urte osoan. Bigarren sarituak, ostera, 150 euroko balioa duen bonua jasoko du.
Sari banaketa abenduaren 28an egingo da.
