Foru Aldundiak azken 24 orduetan Gipuzkoako sarean dauden egoitzetako COVID-19 kasuen berri eman du, eta jakinarazi dutenez 10 izan dira guztira. Horietatik zazpi Aretxabaletan dagoen GSR Debagoiena egoitzan atzeman dituzte, gainerakoak Donostiako San Ignacio egoitzan.
Aldundiko Osasun Sailak emandako datuen arabera, Debagoieneko hiru egoitzatan daude kasu aktiboak: Aretxabaletakoan hogei (azken orduetako zazpiak barne), Eskoriatzako Jose Aranan sei, eta Arrasateko Aita Menin bat.
Bestalde, azken orduetan egoiliar bat hil da Gipuzkoan, eta hiru dira gaitza gainditzea lortu dutenak. Hala ere, 172dira, oraindik ere, Gipuzkoako sareko egoitzetan aktibo dauden kasuak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.