Eider Mendoza foru bozeramaileak jakinarazi du ez dela kasu positibo berririk izan azken orduetan, eta hiru direla COVID-19an positibo emanda jarraitzen duten adineko pertsonak, guztiak Aretxabaletako egoitzakoak. Eibarko Ospitaleko solairu soziosanitarioan daude horiek.
Martxotik gaur arte, 392 adinekok gainditu dute gaixotasuna eta 168 pertsona hil dira COVID-19rekin. Osasun-krisia hasi zenetik, hamasei zentrok izan dituzte kasu positiboak, eta horietako hamabostek utzi dute atzean birusa, besteak beste, Arrasateko Iturbide egoitzak eta Eskoriatzako Jose Aranak.
