Dagoeneko 25 egun dira jarraian COVID-19 duten pertsonen heriotzarik gabe Gipuzkoako adinekoen egoitzetan. Eider Mendoza foru bozeramaileak zehaztu duenez, azken 24 orduetan beste sei lagunek jaso dute mediku alta Aretxabaletako GSR Debagoiena zentroan. Era berean, ez da kasu positibo berririk ez heriotzarik atzeman, baina sei egoiliarrek jarraitzen dute diagnostiko positiboarekin GSR Debagoiena egoitzan.
Gaur arte, 389 adineko pertsonek gainditu dute gaixotasuna, 167 lagun zendu dira eta sei pertsonek diagnostiko positiboarekin jarraitzen dute, hurrenez hurren, %69,2, %29,7 eta %1,1. Une honetan COVID-19 gaitzean positibo eman duten pertsonek ez dute ospitaleko arretarik behar, eta guztiak beren egoitzetan artatuak izaten ari dira.
