Herri barrutik pasatzen den bidegorri tartea hobetzeko lanei ekin zieten atzo, apirilak 14, Probisa Vias y Obras enpresako langileek. Santa Kurtz kaleari dagokion –Basabe eta Sarasate kaleen artean dagoen zatia– lanen barruan daude atzo hasitakoak. Iturrigorri pilotalekutik Kurtzebarri eskolara arteko tartea birmoldatuko dute orain.
278 metro egokitzeko lanek hamaika aste iraungo dute, eta hain zuzen zati honekin ekin diote eskola itxita dagoela aprobetxatuta. Lanek iraun bitartean ezingo da aparkatu 21. zenbakidun atarte alboan eta pilotalekuaren aurrealdean. Autoak eta oinezkoak pasatu ahal izateko, ostera, tarteak utziko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
