Liburuxkak Aretxabaletako hainbat saltokitan banatu dituzte doan, eta bertaratu ezin direnei posta elektroniko bidez lortzeko aukera ere eskaintzen diete (iniciativa.elkarrekin@gmail.com). Gainera, margotutako marrazkien argazkiak ere jasotzen dituzte Instagrameko kontuan; modu horretan, haur bakoitzaren lana guztiekin partekatzeko.
Margotzeko liburuak izandako harrerarekin "oso pozik" agertu dira irabazi asmorik gabeko ideiaren bultzatzaileak, eta dagoeneko bigarren liburuxka bat sortzen hasi dira. Eskulanak, gurutzegramak eta entretenimendurako bestelako hainbat denbora-pasa biltzen ditu bigarren sortak.
