Zer moduz joan zaizu?
Jendaurrean zaudenean ikusitakoaren arabera, moldatzen zoaz, baina hau hiru ordutako bakarrizketa bat izan da.
Jaso duzu erantzunik?
Oraindik askorik ez, baina jasotakoak onak dira, antolatzaileek diote eurei asko gustatu zitzaiela eta harrera ona izan zuela; orain gurako nukeena da, jende askok ikustea.
Zer kontatu duzu?
Niretzako garrantzitsuak diren kantuen bitartez nire buruaren aurkezpena egin dut hasteko; izan ere, entzun duzun musikak eragina dauka gero konposatzeko orduan. Eta, ondoren, zine arloan egindako nire lanen errepasoa egin dut kronologikoki, hainbat filmen zatiak erakutsita.
Zer duzu esku artean?
Estreinatzekotan daude musikatu ditudan hainbat lan: Yo animazioko laburra, Asier Altunaren Arzak, eta Akelarre; Altsasuri buruzko filmerako musika sortzen, eskolak ematen eta kantu berriak sortzen nabil orain.
Eta nola daramazu alarma egoera ?
Ez da erraza, ofizioko, etxeko eta guraso lanak batera betetzea; musika eskolako ikasleei taldekako eta bakarkako lanak bideoen bitartez bidaltzen dizkiet, etxekoarekin irakasle lanak egiten... Ahal den moduan, guztiak moduan.
