Euskararen baitako jai girora batzeko deia egin diete herritarrei, izan ere, 18:30ean, bi gunetatik abiatuko dira kalejirak: Santa Kurtzeko plazatxotik –Bedarreta aurrean– eta Loramendi kaletik –Euskaltegi aurreko plazatxoa–. Mitarte kaleraino joango dira musikak lagun eginda, eta gero handik, Herriko Plazara.
Iazko Euskaraldian jasotako bizipenak eta datorren urtera begirako desirak jasoko dituen txarteltxoak zintzilikatuko dituzte plazan; txarteltxoak egongo dira betetzeko. Dantzak eta musika ere izango dira eta beste hainbat sorpresa antolatzaileek iragarri dutenez. Bukaeran, txokolate beroa eskainiko diete elkartutako guztiei.
