Denboraldi honetan jokatutako hiru neurketatik soilik bi puntu eskuratu ditu Aretxabaletako taldeak, gaur, 0-0 egin ostean, Ibarran, Andoaingo Euskalduna taldearen kontra. Bi punturekin Ohorezko Erregional Mailako 14. postuan dago UDA, eta 2019/2020 denboraldi honetan oraindik ez du garaipena ezagutzen.
Maila bereko beste norgehiagoketan, Mondrak 5-0eko jipoia jaso du Anaitasuna liderraren aurka etxetik kanpora, eta Bergarak 1-3 galdu du etxean, Urolaren kontra. Ohorezko Erregional Mailako Debagoieneko taldeek ez dute oraindik garaipenik lortu denboraldi honetan.