Bertako produktuak ikusi, erosi eta probatzeko aukera izan da Durana kalean barrena. Aretxabaletako ekoizleez gain, Gipuzkoako toki askotako ekoizleak ere izan dira bertan; nekazaritza ekologikoan, 20 postu eta artisautzan 41 postu. Azken hauetako hamabi aretxabaletarrenak izan dira. Bestetik, urtetik urtera indarra hartzen doan bertako Ganaduen V. Feriak hartu du leku Arlutzeko kantxan. Bertan, Galartzatik eramandako zaldiak, ahuntzak, ardiak eta oiloak izan dira herritarren gozagai. Eta, nola ez, trikitilariek, txistulariek, txalapartariek... ez dute ere hutsik egin San Migel eguna musikaz girotzeko.
