Batzordeko kideen esanetan, bart gaueko su artifizialak "oso arrakastatsuak" izan dira –auzotar batzuek bota zituzten–. Horrez gain, batzordeko kide Iurgi Etxebarriak azaldu duenez, egubakoitzean jende ugari gerturatu zen kaletik eta gauera arte giro bikaina egon zen. "Zapatuko pintxo-poteak ere izugarrizko arrakasta izan zuen. Gainera, eguraldiak lagundu egin digu. Beraz, gustura gaude".
Jaien amaierara dantzan iritsi dira; Basotxoren eskutik dantzaldia egon da Zaraiako aparkalekuan. Ostean, auzoko nagusiena eta gazteena omendu dituzte; nagusiena izan da 93 urte dituen Karmen Baleztena Mutuberria; eta gazteena, urtarrilaren 5ean jaio zen Lia Anduaga Cortes. Bukatu aurretik zozketa egin dute eta sarituak izan dira Nieves Arana (ferian izan diren artisauek emandako produktuekin osatutako saskia) eta Beatriz Gutierrez (lau lagunendako afaria Goiaran jatetxean).