Aretxabaletar askok esan dio agur urteari lasterka

Durana kalea lepo bete da jendez 2018ari lasterka esateko agur. 200 heldu baino gehiagok eta 60 ume inguruk hartu dute parte laugarren San Silvestre krosean, eta txalo zaparradak eta animoak jaso dituzte trukean.

Unai Cebrino izan da azkarrena helmugan eta emakumeen artean Maren Lezeta gaztetxoa hainbat lagunekin; bost kilometro eskas zituen ibilbidea aise egin dute. Gaur, baina, guztiak izan dira irabazle, eta bukaeran, mokadutxoa eskaini diete. Opariak ere zozketatu dituzte parte hartzaileen artean.