Kurtzebarri tontorrean 11:00etan egin dute hitzordua. Orain presoak dinamikarekin bat eginez lau haizetara zabalduko dute Euskal presoak Euskal Herrira.
Iluntzean, ostera, Herriko Plaza barrenean egingo dute ekitaldia, 19:00etan; elkarretaratzea lehenengo eta brindisa gero.
Urtarrilaren 12an manifestazioa Bilbon
Sarek urtarrilaren 12rako Bilbon deitutako manifestazioa gogorarazi dute. Hara joateko autobus bi antolatu dituzte Aretxabaletan; bata, 11:00etan abiatuko da, eta bestea, 15:00etan (bien itzulera bukatutakoan). Txartelak salgai jarriko dituzte honako hiru tabernatan: Urbaltz, Azkena eta Gurea. Goizeko autobusa hartuz gero prezioa da 11 euro, eta arratsaldekoarena, 10 euro.
