Aretxabaletakoak gustura hartu du sari berria: "Oso pozik gaude sariarekin. Batetik, publikoak ematen duen saria delako, eta horrek esan gura du publikoari barruraino heldu zaiola lana eta gustura ikusten duela, eta pozik, era berean, azken urteotan Azpeitiako Topaketa erreferente bihurtu delako euskarazko antzerkigintzan. Horrelako sariek indarra ematen dute aurrera egiteko, eta espero dugu jendeari obrarekiko interesa sortuko diola".
Tolosako Topic zentroan estreinatu zuten transexualitatea ardatz duen lana, eta harrezkero hainbat aretotan eskaini dute, tartean, Aretxabaletako Arkupe kultura etxean. Gidoia idazteaz gainera, taularen gainean ere jarduten du Errastik, eta alboan ditu Bergarako Mikel Laskurain, Erika Olaizola eta Nerea Gorriti.
