Otala Zelaiko krosa

Maiatzaren 13an jokatuko da Urkulu urtegiaren bueltan Joseba Mardo-ren oroimenezko Otala Zelai krosa. Lasterketaren 40. urteurrena da, gainera.  Aurten ere bakarka zein bikote mistoak osatuta parte har daiteke; izena aurrez emanez gero, 8 euro ordainduko ditu lasterkari bakoitzak; eta egunean bertan, 15 euro.

Umeen lasterketekin ekingo diote egunari, beste behin; 10:00etan izango da hori, Otala Zelain bertan. Helduen lasterketa, ostera, 11:00etan abiatuko da eta Urkulu urtegiari buelta eman beharko diote. Sari banaketa ekitaldia 12:30ean egingo dute.