Argazki bila dabil Murrukixo mendizale elkartea 2018ko egutegirako eta urtero lez, lehiaketa bidez hautatuko du. Murrukixora bideratu behar dira horiek, eta azken eguna da azaroaren 7a. Irabazleak 100 euro jasoko ditu saritzat.
Argazkiak formatu digitalean helarazi beharko dira eta bakoitzak gehienez lau argazki aurkeztu ahal izango ditu. Hona aurkezteko bideak: murrukixo@outlook.com helbidera bidalita; Durana kaleko Murrukixoko lokalera eramanda; edo Aretxabaletako 34. postakutxara bidalita.
Lanekin batera egilearen datuak helarazi behar dira (izen-abizenak, helbidea eta telefono zenbakia) eta argazki bakoitzaren deskribapena ere bai (lekua, egoeraren azalpena…).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
