Esperientziak trukatzen hasi dute 'Gaztetxia herrira' ekimena Aretxabaletan

Zenbait lagun udaletxe zaharreko ekitaldian.

Egitarau oparoa antolatu du Atxabaltako Gaztetxeko Asanbladak datozen egunotarako. Gaztetxearen proiektua herrira zabaldu nahi dute eta horregatik, era askotako ekitaldiak antolatu dituzte, ume, gazte zein helduendako. Atzo abiatu zuten ekimena, beste gaztetxe batzuetako ordezkariekin esperientziak elkarbanatzeko egindako ekitaldiarekin.

Oñatiko eta Arrasateko gazte asanbladetako ordezkariak batu ziren atzokoan Aretxabaletako kideekin batera. Oñatiarrek eta arrasatearrek gaztetxea eratu aurreko prozesuaren berri eman zuten eta baita gaur egun nola antolatzen diren azaldu ere. Horrekin batera, hausnarketarako tartea ere hartu zuten, gaztetxeak herriari egin ahal dion ekarpenaz, autogestioaz... jardun zuten.

Asteburuko gainerako hitzorduei dagokienez, gaur, zapatua, mus txapelketa egingo dute Orly tabernan eta baita zenbait kontzertu ere herriko tabernetan. Hala nola, Los perros taldea, 18:30ean, Kixkorren; Delirium, 19:10ean, Haizean; Atsekabe, 19:50ean, Ezkutun; WC, 20:30ean, Haizean; eta Krisis, 21:10ean, Ezkutun.

Bihar, domeka, Musika eraldaketa sozialerako tresna izeneko berbaldia egongo da 18:00etan, Urbaltz tabernan.

Gaztetxia herrira izenburupean azaroaren 20ra arteko ekitaldi sorta antolatu dute eta orain dela hainbat hilabete hasitako hausnarketaren fruitua da. Erlazionatutako albistean aste osoko egitaraua ikus daiteke.

Erlazionatuak

Gazteen nahiak agerian, ‘Gaztetxia herrira’ astean

Aretxabaleta

Egitarau mardula aurkeztu du Atxabaltako Gaztetxeko Asanbladak datozen egunotarako. Orain dela hainbat hilabete hasitako hausnarketak fruituak eman...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.