Herritarrak hasi dira galdeketan botoa ematen

Mirari Altube Arrese 2016ko urt. 14a, 17:03
Argibide-orriak eta boto-paperak gertu udaletxean.

Hiri-hondakinen kudeaketa sistema aukeratzeko galdeketan gaur eman dute botoa lehen herritarrek eta datorren eguena bitartean, urtarrilak 21, izango dute aukera aurrez bozkatu gura duten gainerakoek ere. Horretarako udaletxeko idazkaritzara jo behar dute.

Hona bozkatzeko ordutegia: 10:00etatik 13:00etara eta 16:00etatik 19:00etara. Argibide-orriak eta boto-txartelak egunotan dabiltza banatzen etxerik etxe; kartazal batean jasoko dute guztia herritarrek. 

Boto paper-bana

Hiri-hondakinen kudeaketa sistema aukeratzeko galdeketa hilaren 24an izango da. Hauteskundeetan legez, Kurtzebarri eskolan jarriko dituzte hautetsontziak, eta bertara joateko ordutegia izango da honako hau: 09:00etatik 20:00etara. 

Galdera bakarrari erantzun beharko diote herritarrek: Aretxabaletako udalerrian, zein uste duzu dela hondakinak selektiboki biltzeko sistemarik egokiena? Hondakinak selektiboki biltzeko proposatzen diren sistema bakoitzeko boto-orri bana egongo da, bata atez atekoarentzat eta bestea bosgarren edukiontziarentzat. Horietako boto-orri bat aukeratu eta gutun azalean sartu behar da bozkatzeko. 

Udalak bozkatzera animatu ditu herritarrak: "Zurea da erabakia, parte hartu!". Eta gaineratu dute: "Guztion artean erabakitako sistema da udalerri osoan ezarriko duguna".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak