Hiri hondakinen kudeaketa sistemaren gaineko galdeketan eguenetik eman daiteke botoa

Hiri hondakinen gaineko herri galdeketa, joan zen azaroaren 29an, Bergaran.

Urtarrilaren 24an, domeka, izango dute aretxabaletarrek hiri hondakinen kudeaketa sistema hautatzeko aukera. 18 urtetik gorako 5.693 herritar daude deituta bozkatzera.

Hautestontziak Kurtzebarri eskolan jarriko dituzte, lau mahai, eta ordutegia izango da 09:00etatik 20:00etara. 

Udalak, gainera, aurretik bozkatzeko aukera eskainiko du; urtarrilaren 14tik 21era bitartean, hain zuzen ere. Udaletxeko idazkaritzara jo beharko da horretarako, eta ordutegia honako hau izango da: 10:00etatik 13:00etara eta 16:00etatik 19:00etara. 

Bi boto-orri 

Horren guztiaren gaineko argibideen esku-orria gertatu du Udalak, eta etxe guztietara helaraziko du datozen egunotan. Boto-orriak ere banatuko dituzte orduan. 

Galdera bakarrari erantzungo diote herritarrek; honako honi: Aretxabaletako udalerrian, zein uste duzu dela hondakinak selektiboki biltzeko sistemarik egokiena? Proposatutako sistema bakoitzeko boto-orri bana izango dute hautatzeko; bata atez atekoarentzat (gaur egungo bilketa) eta bestea bosgarren edukiontziarentzat (edukiontzien bidez gaikako bilketa, organikoarenak eta errefusarenak txipa dutela).

Udalak botoa ematera gonbidatu ditu aretxabaletarrak, eta zera esan du: "Guztion artean erabakitako sistema da udalerri osoan ezarriko duguna".

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.