Atzo iluntzeko 18:20ean pertsona baten deia jaso zutela jakinarazi dute Segurtasun sailetik, Apotzaga-Etxebarri auzoko baserri baten alboko belardian gizonezko baten kiskalitako gorpua aurkitu zutela jakinaraziz.
Ezbeharraren lekura ertzainak eta auzitegiko medikua joanda, 60 urteko gizonezkoaren heriotza baiestu zuten eta lehen argibideen arabera etxebizitzako galdara isiotzen zebilela arropek sua hartu eta kanpora atera ei zen gizonezkoa, sua itzali guran. Ertzaintzako iturrien arabera hildakoaren senideek azken aldiz herenegun egin zuten harekin berba.
