Domekan, urriaren 12an, Iturrien Ibilbidea izeneko irteera egingo dute (umeendako egokitua). Herriko Plazan elkartuko dira, 10:00etan, eta handik Bainuetxeko uretz iturrira jo. Iturriondo parketik gora Bolinagako errotako iturrira iritsiko dira, eta handik, Areantza auzoko Erromarako iturrira. Iraeban zelaiko iturritik pasatuko dira azkenik, eta bidegorritik herrira itzuli.
Ibai garbiketa
Urriaren 18rako, zapatua, Deba ibaia garbitzeko deia egin dute. Herriko plazan elkartu (10:00) eta Txakoli taberna parera joko dute garbiketa bertan hasteko. Handik Errotabarri baserrira bitartean dagoen tartea garbituko dute. Antolatzaileek gomendatu dute oinetako egokiak (katiuskak edo oinetako zaharrak) eta eskularruak ekartzea. 16 urtetik beherakoek, gainera, gurasoek lagun eginda joan beharko dute. Bukaeran hamarretakoa eskainiko diete guztiei.
Eta urriaren 15ean eta 17an Deba ibaiaren gaineko dokumentala, Ura eta erreka Deba ibarrean, emango dute Durana kaleko hondakinen bulegoan (18:00-20:30).
Bestalde, Ura eta hiria 2020 erakusketa egongo da datorren aste guztian Arrasateko Kulturaten (17:30-20:30)
