Mankomunitateko teknikari bi daude bertan. Hona ordutegia: astelehen eta eguaztenetan 10:00etatik 14:00etara eta 15:00etatik 19:00etara; eta martitzen, eguen eta egubakoitzetan, 10:00etatik 14:00etara. Telefonoz deitu gura izanez gero: 943 54 00 21.
Ekarpenak egiteko tartea
Astean bukatu dituzte herritarrak informatzeko bilerak, eta horiek, orain, galdera bi erantzun beharko dituzte: batetik, konforme dauden zintzilikarioa jartzeko proposatutako kokagunearekin; eta bestetik, paperak eta kartoiak zelan jasoko dituzten, bizilagun bakoitzak berea edo atarte osoak batera. Kokagunearekin konforme ez daudenek beste bat proposatzeko aukera izango dute martxoaren 28a arte.
Merkatariekin eguaztenean
Behin herritarrak informatuta orain merkatariekin eta industria jarduera dutenekin egin gura dute bilera, atez atekoaren berri eman eta zalantzak argitzeko. Eguaztenean da hori, martxoak 19, Arkupen. 11:00etan industria guneetakoekin elkartuko dira, eta 15:00etan gainerakoekin: dendak, ikastetxeak, tabernak eta jatetxeak, elkarte gastronomikoak, bulegoak, industria ez diren negozioak (dentistak…), osasun etxea, adinekoen egoitza, botikak…