Kanpotik jende asko etorri arren, Estatu Batuetatik ekarritako estilo hori bailaran bizkor errotu da.
Ikastaroa eta finalaurrea
Gazteek Silvia Palacios dantzariaren eskutik hip-hopa ezagutzeko aukera izan zuten, eta gazte ugarik hartu zuten parte.
Ostean, breakdance lehiaketako nesken arteko kale-dantza txapelketako finalerdien txanda iritsi zen. 19:00etan baina hasi zen saio ikusgarriena.
Ikuskizun nagusia
16 talde oholtza gainean, sariak, txaloak... eta guzti horren gainetik dantza egiteko gogoa. Talde gehienetan gainera, neskak gehiengoa ziren. Lehiaketako taldeek ez ezik, bizikleta eta uztaiarekin egindako koreografiek ere euren tokia izan zuten. Entsegu eta esfortzu askoren ostean, ED Steps, Golden Funk eta Alehop taldeek eskuratu zituzten Break on Stage jaialdirako txartelak.
Zapatukoa motz geratu zitzaien horietzat, gogoan izan martxoaren 29an Bilbon Break on Stage jaialdia ospatuko dela.
