Udalak sortutako Hondakinen Mahaiko azken taldea (herritarrek osatutakoa) elkartu da goizean pare bat orduz Arkupen, hondakinek sortzen dituzten arazoez berba egiteko. Euskarazko eta gaztelaniazko saioak egin dituzte gainera eta gutxi gorabehera 50 lagun inguruk parte hartu dute.
Ez dira gutxi izan herritarrek izan dituzten zalantzak eta kexak eta Mankomunitateko informatzaileek bai eta Aretxabaletako Ingurumen zinegotzi Lore Martinezek ere banan-banan erantzun dituzte guztiak.
Balorazio ona, baina parte hartze txikia
Lore Martinezek positiboki baloratu du bilera hauek izan duten erantzuna. Dena dela, guztia ez da baikorra izan bere esanetan: "Aretxabaletan 7.000 biztanle inguru gara ia eta soilik 120 inguru etorri dira. Aukera, behintzat egon da zalantzak eta azaldu eta argitzeko".
Lehenengo fasea amaituta, bigarrenarekin ekingo diote irailean. Oduan sistema beraren xehetasunak erabakiko dituzte.