Urtero bezala, aretxabaletar asko aratusteak noiz etorriko ziren zain zeuden eta, gaur, azken asteetan lantzen aritu diren mozorro eta karrozak kalera atera dituzte. Askoren ustez, goizeko desfilean azken urteetan izandako partaidetza altuena izan da. 1 formulako pilotuak, zonbiak, kanibalak, artaldeak, gotikoak… ikusi ditugu Aretxabaletako kaleetan zehar.
Aretxabaletako koadrilek eguerdian egin dute koadrilen arteko mozorro desfilea eta Durana kalea kolorez betetzea lortu dute. Era eta tamaina guztietako karrozak izan dira Copreziko aparkalekutik herriko plazara egindako ibilbidean. Pertsonek ez ezik, jabeekin batera mozorrotutako txakurra ere ikusi ditugu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.