Historia ulertzeko "mugarri"
Hain justu, Maria Jesus Aranburu Euskara eta Kultura diputatua egon zen aurkezpenean, Aierbe bera Gipuzkoako aditu sutsuenetakoa bezala aurkeztu zuen haren ahalegina goraipatuz. Gaia, gainera, ez zitzaion batere arrotza Aierberi, unibertsitateko tesina ere bailara horretan oinarritu baitzuen eta zenbait lan kaleratu ditu Oñatiko kontearen inguruan. Gertutik ezagutzen du, hortaz, historialariak leintztarren eta ibarraren bilakaera. Horren harira eta egungo biztanleei ere begira, Kutxako ordezkari Mikel Irizarrek autoestimurako pizgarri moduan ere aureztu zuen "mugarritzat" jotako Aierberen liburua.
Herritarrak batzeko
Aierbek Txartyn de Basterbero kultura taldeko Aitor Antxiarekin Oñatiko artxibategia tril egin zuenean hasi zen liburuaren istorioa. Antxia eskoriatzarrak eta aretxabaletarrak batuko lituzkeen elementu edota agiriren baten bila ziharduen eta Aierbek 1495 urteko udal-ordenantza batzuk erakutsi zizkion. Espainian, Simancasen eta Valladoliden, daude ibarreko agiri historiko asko eta asko eta handik ekarri zituen historialariak. Artxibategi horietan egindako araketak sortu du ekarpenik handiena, egilearen beraren berbetan. Paper horien artean mendetan eskoriatzarrek eta aretxabaletarrek elkarren artean izandako liskarrak ere daude jasota, Leintz bailara (Arrasate eta Gatzaga hiri ala villa ziren aspalditik ordurako) bitan zatitu zutenetik.
Gipuzkoara batu arte
Bilakaera horren inguruan osatu du liburua Aierbek, Eskoriatza eta Aretxabaleta Gipuzkoara batu eta gerora artekoa. XV. mendearen amaiera hartan soilik bi bailara geratzen ziren, antolakuntza modu bezala, Gipuzkoan, Oiartzungoa eta Leintz. Antxiak kontatu zion bazebiltzala zelanbait bailarako herritarak batuko lituzkeen ospakizunen baten bila eta esan zion Aretxabaleta eta Eskoriatza banatu zireneko 375 urtemuga ospatzekotan. Orduan proposatu zion Aierbek benetako asmoa bizilagunak batzea izatekotan hobe zela, adibidez, leintztarrak Gebararren jaurerritik banatu zirenekoa. Hortik ikerketa sakonagoa egitea proposatu zioten adituari zapatuan aurkeztutako 400 orri pasatxoko liburu marduluean bilakatzeraino. Aurkezpenean esan zuen "bailarako auzi benetan politak aurkitu" dituela, frogatzen dutena gozkien eskubideen alde zein borrokalaria izan den" Leintz bilara.