Gorbeialdeko Ingurumen teknikari Jon Toñak azaldu duenez, gaur Aramaion egingo duten etxeko konpostari buruzko ikastaroaren helburua da etxean konpostagailua martxan jarri eta behar bezala kudeatzeko oinarrizko ezagutzak modu praktikoan ematea. Oraindik konpostatzen ez dutenei hasteko aukera emateaz gain, dagoeneko egiten dutenei zalantzak argitzeko eta esperientziak partekatzeko balioko du saioak.
Aramaioko Udalak konpostatzen hasteko beharrezko materiala ere ematen die interesa duten herritarrei. 18:30ean izango da osoko bilkuren aretoan.