Aramaioko frontoian 18:30ean jokatuko den Pilota Eguneko lehen partiduan jokatuko dute Mikel Goñik eta Arrasateko Aitzol Lazkanok, Titin III.aren eta Xabi Apaolazaren kontra.
Eta horren ostean jokatuko da bigarren partidua. Bertan izango dira Aramaioko Asier Del Campo eta Arbizu, Uriberen eta Bergeraren kontra, nor baino nor gehiago.
Kartelean alderantziz iragarrita zeuden partiduak, baina azken orduko aldaketa batengatik, ordenaz aldatu dituztela iragarri dute antolakuntzatik.
