14 eta 18 urte arteko sei bertsolari gaztek hartu zuten parte finalean: Anitz Abarrategi, Jokin Onaindia, June Astegieta, Oinatz Basabea, Urko Lafuente eta Maia Ortiz de Zarate. Peru Abarrategik aramaioko bertsolariak gidatu zuen saioa.
Mikel Fernandez de Arroiabe, Aitor Jimenez eta Oihane Perea aritu ziren epaile lanetan, eta haien erabakiz Maia Ortiz de Zarate eta June Astegieta sailkatu ziren Euskal Herriko finalera.
Amaieran, Unai Anda Arabako Bertsolari Txapeldunak jarri zion txapela irabazleari, eta Eli Zalduaren eskutik jaso zuen urtez urte txapeldunetik txapeldunera doan egurrezko mikrofonoa.
Antolatzaileek eskerrak eman zizkieten Aramaioko Udalari eta Ikastolen Elkarteari txapelketa aurrera ateratzen laguntzeagatik, baita Arabako bertso-eskoletako kideei ere urte osoan egiten duten lanagatik.