Uztailean ospatuko dituzte jai nagusiak Aramaion eta horiek antolatzen hasteko bigarren bilera egingo dute gaur udaletxean. Domekara bitartean herritarrek aukera izan dute jaiei buruzko galdetegia betetzeko, eta orain, erabakiak hartzen jarraitzeko unea da.
Bestetik, Korrika batzordeak dagoeneko aurkeztu zuen herriko Korrika Kulturala eta geroz eta gutxiago gelditzen denez, Korrikari hasiera emateko, oraindik zehazteko dauden kontuak izango dituzte berbetagai arratsaldean kultura etxean egingo duten bileran. Gogoratu, Aramaion Korrikarekin lotutako lehengo eta oraingo argazkiak ere jasotzen dabiltzala; txirritola@gmail.com helbidera bidali behar dira, martxoaren 13a baino lehen.