Nahiz eta Korrika herritik ez den pasako, Aramaiokoek kilometro bat hartuko dute Leintz Gatzagan. Beste kilometro bat udalak hartuko du, Landatik mugara.
Hainbat ekitaldi aurreikusi dituzte Korrika kulturalerako: euskarazko pelikularen bat, Arabako Bertso Txapelketako finalaurrekoa, bestelako ekimenen batzuk... Horren barruan lotzeko asko dute oraindik, baina lehenengo batzordean aipatu zuten herria kantuz, korrika txikia, txokolatada, poteo-kalejira herriko talde guztien parte-hartzearekin, Zuk ein zuk jan afaria eta ondoren bertsoak, musika, karaoke, berbapasea, dikofesta, herriko artisten kantaldia... egiteko aukera dagoela.
Hurrengo batzordea, martitzenean
Korrika batzordea martxan da dagoeneko eta bigarren batzordea, martitzenean, hilaren 27an, kultura etxean egingo dute 19:00etan. Herritarrak zein taldeak gonbidatuta daude parte hartzera