Dantzan egin diete ongietorria Aramaioko jaioberriei

Oihan Loiti Iraola 2025ko uzt. 6a, 17:11

Azken urteetako ohiturari jarraituz, aurreko San Martin jaien eta aurtengoen arteko epean jaiotako haurrei ongietorri ofiziala egin diete herriko plazan. Jaio berriak, haien gurasoak eta etxekoak dantzaz agurtu dituzte, giro hunkigarrian. 6 izan dira jaiotako haurrak, eta beraz, omendu dituzten familiak.

Herriko gaztetxoei ongi etorria emateaz gain, azken urtean herria utzi duten herritarrak ere gogoan izan dituzte. Era berean, haurra izatea lortu ez duten familiei besarkada eta gertutasuna adierazi dizkiete udaleko zinegotziak. 

Ostean, Aramaioko Lagun Artean dantza taldeak ikasturte amaierako ekitaldia eskaini du herriko plazan. Aurreko urtean taldeko irakasleak etapa amaitutzat eman ostean, aurtengo ikasturtea modu autogestionatuan antolatu dute dantza taldeko kideek, euren kabuz entseguak koordinatuz eta ekitaldia prestatuz.

Adin guztietako dantzariek hartu dute parte emanaldian, eta plaza bete-bete eginda ikusi da. Herritarrek txaloz eskertu eta babestu dute eskainitako lana. Jendetza batu da goizeko ekitaldiez gozatzeko Aramaioko plazan.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak