Aramaixo Tropikaleko Gazte Asanbladak egitarau propioa du txosnagunerako, eta, sanmartinak bihar hasiko badira ere, gaur ari dira Gazte Eguna ospatzen. Horretarako, kartelak jarri eta muntaia-lanak egin dituzte, eta ostean etorri dira solasaldia eta grafiti tailerra, besteak beste.
Dagoeneko txosnagunea prest, hainbat kontzertuz gozatzeko aukera egongo da. Bihar, Maskak eta Kaparrak arituko dira, eta zapatuan, Fane, La Furia eta Mutiko. Baina badira beste zenbait ekintza dagoeneko ohitura bihurtu direnak. Batetik, labur lehiaketa egingo dute domekan, 23:30ean, eta aukeratu duten gaia Aramaixoko paretak da. Ostean egingo dute berbapasa. Halaber, jaietako ekintzarik arrakastatsuenetakoa, kuadrilla arteko pikea, astelehenean izango da, 16:30ean.
Bestalde, Ping-pong Txapelketa ere antolatu dute zapaturako, 19:00etan hasita.
