Gaur goizean aurkeztu dute Gasteizko Amaia zentroan zortzigarren aldia izango duen Arabako Kuadrilla Arteko Txapelketa. Hamalau taldek hartuko dute parte guztira, tartean, Aramaioko hiruk (Bañera F.T., Izena pentsau bida 2 eta Aramaixoko taluek) eta urtarrilaren 22an hasi eta apirilaren 5ean amaitu, bi fase izango ditu.
Kuadrillako Bertso Egunak
Urtarrila eta otsaila artean izango den lehengo fasean, Kuadrillako Bertso Egunak egingo dituzte, hamalau denera. Hala, talde bakoitzak bertso emankizun bat antolatuko du bere herri edo eskualdean. Saio hauek askotarikoak izango dira (otordu bueltakoak, poteoak, txokolatadak, olinpiadak, musikaz lagunduak… ) eta antolakuntza lanetan bere herri edo eskualdeko bertso eskola edota beste eragile batzuen laguntza izango du. Aramaiok, Gorbeialdeko bi Bertso Egun hartuko ditu: otsailaren 1ekoa eta otsailaren 7koa.
Finalaurrekoak
Bigarren fasea, lehia bera oinarri izango duena, otsaila eta martxoa artean egingo dute. Lau finalaurreko egingo dituzte eta hirugarrena, martxoaren 15ekoa, Aramaiok hartuko du. Finalerdi bakoitzetik kuadrilla bana pasatuko da apirilaren 5ean Gasteizen izango den finalera.
Taldeka
Arabako Kuadrilla Arteko Txapelketaren eszaugarrietako bat da taldeka parte hartzen dela. Hori horrela, parte hartzeko, 3-6 bertsolariz osatutako talde batek beste kide batzuk (artean gai-jartzailea, epailea, argazkilaria…) bilatu behar ditu, guztira 9-12 laguneko talde bat osatuz.
Sustatzaileen hitzetan, lehia taldeka izateak bertsogintza eta inguruko bertsolaritza mugimendua astintzen ditu; parte-hartzea errazten du; bertso-eskolak indartzen ditu; eta bertsozaletasuna parte hartzetik sustatzen du.
Kuadrilla Artekoaren egutegi osoa
ARABAR ERRIOXAKO BERTSO EGUNA
- Urtarrilak 22, asteazkena, Oion
GASTEIZKO BERTSO EGUNAK
- Otsailak 1, larunbata, Gasteiz
- Otsailak 14, ostirala, Gasteiz (2 ekimen)
- Otsailak 20, osteguna, Gasteiz
AIARALDEKO BERTSO EGUNA
- Otsailak 1, larunbata, Areta
GORBEIALDEKO BERTSO EGUNAK
- Otsailak 1, larunbata, Aramaio
- Otsailak 7, ostirala, Aramaio
- Otsailak 14, ostirala, Legutio
- Otsailak 21, ostirala, Izarra
LAUTADAKO BERTSO EGUNA
- Otsailak 7, ostirala, Agurain
AÑANAKO BERTSO EGUNA
- Otsailak 8, larunbata, Kuartango
MENDIALDEKO BERTSO EGUNA
- Otsailak 15, larunbata, Lurkoi-Elortza
TREBIÑUKO BERTSO EGUNA
- Otsailak 22, larunbata, Argantzu
1. FINALERDIA
- Otsailak 28, ostirala, Narbaiza.
Bañera F.T. ( Aramaio, Gorbeialdea), 4 gara (Lautada) eta Ganbarakoak (Añana)
2. FINALERDIA
- Martxoak 9, igandea, Aramaio
Txandrio (Arabar Errioxa), Izena pentsau bida 2 (Aramaio, Gorbeialdea),
Pinto Pintto (Gasteiz) eta Inkostantinkoplan potoz poto (Gasteiz)
3. FINALERDIA
- Martxoak 15, larunbata, Amurrio
Jainkoaren seme-alabak (Trebiñu), Bertsoespuela (Mendialdea) eta Altubepekoak (Aiaraldea)
4. FINALERDIA
- Martxoak 23, igandea, Gillerna
Gorringo (Gasteiz), Arlobiko bardoak (Urkabustaiz-Zuia, Gorbeialdea), Errexala (Gasteiz) eta Aramaixoko taluek (Aramaio, Gorbeialdea)
FINALA
- Apirilak 5, larunbata, Gasteiz
