Dagoeneko salgai daude uztailaren 8an, sanmartinetan, Aramaion egingo den herri afarirako txartelak. Gaurtik hasita, Internet bidez eros daitezke txartelak, eta bihartik aurrera, udaletxean ere salgai jarriko dituzte.
Helduendako txartelen prezioa 20 eurokoa da eta menu begetarianoa ere aukeratu ahal izango da. 10 urtetik beherakoen txartelen prezioa 10 eurokoa da.
Plaza kopuru mugatua da eta uztailaren 3a da txartelak erosteko azken eguna.