Aramaioko Udalak Foru Aldundiko mendi sailaren diru laguntzak eskatu zituen baso sailak, pistak eta basoari lotutako urteko lan ezberdinak egiteko; eskatutako arlo guztietan jaso ditu laguntzak Udalak.
Ondorengo lanak egingo dituzte:
- Inausketak, sastrakak kendu eta garbiketa lanak, Zalgon, Lurgorrin, Besaiden eta Barrausen, 7.525,23 euroko dirulaguntza. Beitia Naturlanak enpresari esleitu zaio lana. Gastua, guztira, 15.050,45 eurokoa izango da.
- Ongarria bota, Besaiden, 579,60 euroko dirulaguntza, Beitia Naturlanak enpresari esleitu zaio lana. Gastua, guztira, 1.449 eurokoa izango da.
- Landaketak eta itxiturak, Lurgorrin, 14.355 euroko dirulaguntza, Beitia Naturlanak enpresari esleitu zaio. Gastua, guztira, 15.950 eurokoa izango da.
