Orixol Mendizale Elkarteko kide direnek eta izan direnek botako dute aurtengo jaietako txupinazoa: Rafa Garaitonandiak, Oihana Erizek, Peru Abarrategik, Nerea Asurmendik eta Eider Ballinak izango dute horren ardura. 19:00etan izango da txupinazoa eta pregoia. Ondoren, Anbotoko Mari jaitsiko da udaletxeko balkoira, eta herritarrak dantzan jarriko ditu.
Murrizketarik gabeko jaiak izango dituzte aurten Aramaion. Dena gertu dute jaiak ospatzeko. Denetariko ekitaldiak izango dituzte: musika kontzertuak, jolasak, afari herrikoia, tortilla patata lehiaketa, street boulder txapelketa...
