Aramaioko Udalak San Martin jaiak iragartzeko lelo lehiaketa abiatu du. Hori dela eta, jaien inguruko esaldi bat izan beharko da: esaldi bakarra eta euskarazkoa. 12 urtetik gorako edonork parte har dezake, bakarka edo taldeka.
Epea: maiatzaren 26a
Leloa emailez bidal daiteke edo udaletxean aurkeztu. Emaila bidali itxasokultura@gorbeialdea.eus helbidera. Lanak aurkezteko epea maiatzaren 26an amaituko da.
50 euroko saria
Sari bakarra egongo da, 50 eurokoa. Leloa San Martin jaietako zapietan agertuko da; hala ere, bestelako euskarrietan erabiltzeko aukera egongo da.
