Joan zen barikuan egitekoak ziren, baina eguraldiak baldintzatuta atzeratu egin zuten ekitaldia eta gaur egin dute Korrika txikia. Aramaixo Herri Eskolako ikasleek, irakasleek eta gurasoek parte hartu dute Korrika txikian.
Herriko kaleetan ibili dira korrika eta ekitaldiari amaiera eman diote eskolako patioan. Talde bakoitzak, gaurko propio idatzitako mezua irakurri du. "Familiarekin, lagunekin eta denekin euskaraz egin", "Aramaixon eta munduan zurekin euskaraz ekin", "Hitzekin pentsatu eta mintzatu euskaraz bizitzaz gozatu"... bezalako leloak irakurri dituzte ikasleek.
Ekitaldia amaitu dute Korrikako Hitzekin abestia dantzatuz eta abestuz.