Atzo, eguena, jokatu zuen aramaioarrak finalerdia Isaia Mardarasen aurka, eta emaitza justuarekin bada ere, 22-21 irabazi zuen del Campok. Hori horrela, zapatuan Ogetan jokatuko den finalerako txartela lortu du aramaioarrak. Eneko Gonzalezen aurka jokatu beharko du finala, 22 urtez azpikoen kategorian.
Finalak 10:00etan hasiko dira: kadete, gazte, 22 urtez azpikoen, emakumezkoen eta seniorren finalak jokatuko dituzte. Asier del Campo pilotariaz gain, Julen Olaizola aramaioarra ere finalean izango da, gazte mailan.
