Txirritola Euskara Elkarteak antolatuta, euskarazko film laburrez gozatzeko aukera egongo da. Topaguneak antolatzen duen euskarazko film laburren zirkuitua eroango dute kultura etxera, sortzaileen lanak ezagutarazi eta euskaraz ekoizten jarraitzeko aukera eskaintzeko helburuarekin.
Domekan 18:30ean hasiko da emanaldia: guztira, zortzi film labur eskainiko dituzte. Emanaldien ondoren, Ilunabarrean esan filmeko zuzendariarekin eta lantaldearekin solasaldia egingo dute; bertan egongo da Sara Alonso aramaioarra ere.
